23

1446, 18 septembre.

Quittance d’Agnès, duchesse de Bourbonnais et d’Auvergne, à Martin Roux, receveur du haut pays d’Auvergne receveur du haut pays d’Auvergne d’une aide de deux cent vingt-six mille livres, de la somme de trois cent soixante-quinze livres tournois.

A.Original sur parchemin, signé et jadis scellé du grand sceau en cire rouge (d’après B.). 245 x 95-135 mm. Bibliothèque nationale de France, ms. fr. 20389, cote 97.

B.Copie moderne sur papier par Gaignières, incomplète. 235 x 375 mm. Ibid., ms. fr. 20388, folio 170.

Nous Agnes, duchesse de Bourbonnois et d’Auvergne, confessons avoir eu et receu de Pierre Mandonier, commis par monseigneur le roy a recevoir ou bas païs d’Auvergne la porcion de l’aide de II C XXVI M l. que mondit seigneur le roy a ordonné estre mis sus en ses païs de Languedoil ou mois de janvier derrenier passé, tant pour le fait de la convencion de la paix comme pour ses autres affaires, la somme de trois cens soixante quinze l. t., laquelle les gens des trois estaz dudit bas païs, par leurs instructions faictes a cause des sommes de deniers par eulx mises sus oultre et par dessus le principal dudit aide, ont ordonné et voulu a nous estre baillee et delivree par ledit commis, et ce afin que nous aïons tousjours ledit paÿs et les habitans d’icellui pour recommandez, ainsi que par lesdictes instrucions peut plus aplain apparoir, de laquelle somme de III C LXXV l. t. dessusdicte nous nous tenons pour contente et bien païee, et en quittons ledit commis et tous autres qu’il appartient. Donné soubz nostre seel en tesmoing de ce, le XVIII eme jour de septembre, l’an mil CCCC XLVI.

Par madame la duchesse,

Chapperon.