11

[1434-1449 Agnès est duchesse à partir de 1434, et le signataire de la lettre, Laurent Andraut, décède en 1449 : Charles, n° 243 (26 février 1449). ], 22 mars. — Moulins.

Agnès, duchesse de Bourbonnais et d’Auvergne, informe les habitants de Lyon de la venue des seigneurs de l’Espinace et de la Bussière, chargés de leur dire plusieurs choses de par le duc et elle.

A. Original sur papier, signé. 220 x 270 mm. Archives municipales de Lyon, AA 25, cote 5.

(Au verso)A noz tres chiers et bien amez les bourgois et habitans de Lion.

(Au recto) La duchesse de Bourbonnois et d’Auvergne. Tres chiers et bien amez, presentement nous envoïons par devers vous noz amez et feaulx chevaliers et conseillers de monseigneur et de nous, les seigneurs de l’Espinace et de la Buxiere, pour vous dire et exposer certaines choses touchans le fait et finance de mondit seigneur. Si vous prions le plus adcertes que fere povons que nozdis conseillers veullés feablement croire de ce qu’ilz vous diront de par nous, et adjouster plaine foy a leur rapport comme a nous mesmes, et sur ce tant fere que mondit seigneur et nous vous en sorons a tousjours tenus. Si ne nous y veillés faillir ny esconduire sur tout le plesire que fere nous desirez, et sur ce nous rescripres vostre bonne volunté, ensamble s’aucune chose voulés que par vous fere puissons pour le fere de bon cueur. Tres chiers et bien amez, le saint esperit vous ait en sa saint garde. Escript a Molins le XXII e jour de mars.

Andraut.